TAKRIBANI watu 12 wamefariki dunia huku 33
wakijeruhiwa katika mlipuko uliotokea jana katika
kiwanda cha kutengeneza fataki jijini Liling katika
Mkoa wa Hunan nchini China.
Mlipuko huo ulitokea katika Kiwanda cha Nanyang
ambapo mamlaka husika haikusema chanzo chake.
Matukio ya kulipuka viwanda vya fataki nchini
China yamezidi kuongezeka ambapo mwaka jana
mlipuko mwingine ulitokea katika kiwanda kilichopo
Guangxi na kuua watu 11 huku 17 wakijeruhiwa.
Februari mwaka jana gari lililokuwa limebeba
mafataki nalo lililipuka barabarani katika Mkoa wa
Henan na kuua watu watano na kuharibu sehemu
ya barabara.
0 comments:
Post a Comment